今天豆豆來我們家玩
這粒充滿活力的小豆不停喺我屋企跑來跑去
然後妹妹又跟住係咁跑係咁跑
.
話說豆豆黎之前我同妹妹講
「陣間會有小朋友黎屋企，佢可能會想玩你既玩具，睇你既圖書，或者彈你既琴，你會唔會想分享借俾佢玩一陣？佢唔會攞返屋企架」
.
妹妹：「可以，一齊玩」
我：「咁你會想分享邊份玩具？」
妹妹：「錢錢機（收銀機）啦、琴琴啦，好好玩架」
我：「咁有無一份你好鍾意好鍾意唔想同人分享？如果有，你可以收埋先。」
妹妹：「（笑笑口）無，全部都可以玩。」
.
果然
妹妹今日真係好照顧小朋友
同豆豆分享餅乾
分享蘋果汁
豆豆玩任何一份玩具/睇任何一本書都無搶返
而且兩個仲玩得好開心
媽媽真係好以你為傲
.
要一個正值 trouble two
自我意識極度擴張既小朋友分享
並唔係一件易事
但妹妹今日竟然做到了
所以真的很感動很鼓舞
.
過去的兩年多 ftm 生活
放棄了很多自己的時間
也放棄了很多金錢
每日都只是想盡心盡力照顧妹妹及屋企
現在我終於漸見成果
很辛苦
但有回報的
.
套我常說的一段話
「你總沒辦法賺到這世界全部的錢，但孩子長大了就是長大了，錯過了就是錯過了。」
.
針無兩頭利
每件事都總要有取捨
而我的孩子和家人
他們永遠都會在 first priority
#26m29d
沒有留言:
張貼留言